O    B E Z O A R
Curtametraxe.
Data de producción: abril 2003.

María traballa na sección de reparto dun xornal. Durante unha das súas xornadas laborais descubrimos que María é víctima de suores de orixe descoñecida.

De xeito inconsciente a protagonista trata de mitigar o seu nerviosismo mordendo os seus propio cabelos en calquera ocasión.

De volta a casa desde o seu traballo a rapaza cruza a ollada con Seixo e xorde entre eles certa atracción. Mais as crises da moza na intimidade do seu fogar son cada día máis violentas. Días despois atopará de novo na rúa a Seixo, quen desta volta decide seguila. Xuntos acoden a un bar onde intercambian bicos e aloumiños. Pero os desexos de María por levar a cabo unha relación sexual satisfactoria son interrompidos por unha nova crise nerviosa que lle provoca unha perda do coñecemento. Xa na casa, o seu avó Telmo recoñece os seus síntomas como un caso de ramo cativo, e ao día seguinte acompáñaa ata unha capela onde o seu titular leva a cabo exorcismos.

Don Amaro recibe os recén chegados cun vello ritual herdado dos seus antecesores na parroquia, e a moza entra en catarse. O ritual remata cando María vomita o bezoar que medraba no seu interior, de tal xeito que aos poucos minutos é patente a súa recuperación.

Nunha segunda cita con Seixo a relación amorosa dos rapaces é plenamente satisfactoria. Mais cando a historia parece chegar ao seu fin, a conducta de María revelará unha nova manifestación do ramo cativo.